Q 1. गाजरमा के पाईन्छ ?

गाजरमा अल्फा र विटा क्यारोटिन (Alpha and Beta Carotene) भिटामिन “ए” बन्ने कच्चा पदार्थ प्रचुर मात्रामा पाईन्छ ।
Q 2. कस्तो हावापानीमा गाजर खेती राम्रो हुन्छ ?

पूर्बिय जात (जापानिज, कोरियन) तराईमा राम्रो हुन्छ भने पश्चिमी जातहरु पहाडी तथा उच्च पहाडी भागमा राम्रो हुन्छ ।
Q 3. गाजरलाई कस्तो माटो चाहिन्छ ?

गाजरलाई गहिरो, खुकुलो र दोमट माटो राम्रो हुन्छ ।
Q 4. गाजर रोपिने समय कुन हो ?

गाजर तराई तथा मध्य पहाडमा भदौ महिना देखि पुष महिना सम्म र पहाड तथा उच्च पहाडमा युरोपियन जातहरु फागुनको तेश्रो हप्ता देखि साउनको पहिलो पक्ष सम्म रोपिन्छ ।
Q 5. गाजरलाई कसरी सिंचाई गर्ने ?

गाजरलाई छर्ने वित्तिकै सिंचाई गर्नु राम्रो हुन्छ र त्यसपछि हरेक ६ दिनमा सिंचाई गर्नुपर्दछ तर फोहरा तरिकावाट सिंचाई गर्नु राम्रो हुन्छ ।
Q 6. गाजरका जातहरु कुन- कुन हुन ?

नेपालमा उपल्बध गाजरका जातहरु :-

• न्यूकुरोडा
• नान्टिस फोर्टो
• कुरोदा मार्क
• नेपा ड्रिम
• सिग्मा
• न्यू करोदा

Q 7. गाजर कहिले उखेल्नु पर्छ?

छिटो तयार हुने जातको गाजरलाई पूरा विकास भै नसक्दा नै पहिले उखेल्नु पर्छ ।
Q 8. गाजरमा लाग्ने रोगहरु?

गाजरमा निम्न रोगहरु लाग्न सक्छ :-

.डढुवा वा अल्टरनेरिया डडुवा

.सरकसपोरा डढुवा

.पाउडरी भिल्डयु

.भाईरस रोग
Q 9. गाजरको प्रयोग कसरी गरिन्छ ?

गाजर सलादको रुपमा काँचै खान सकिन्छ । र अरु तरकारीका रुपमा, अचारको रुपमा, गाजरको हलुवा, जुस आदि बनाएर खान सकिन्छ ।