WELCOME TO AGROMART NEPAL !

फापर खेती गर्ने तरिका

Q 1. फापरबालीमा लाग्ने फेद कुहिने रोगको ब्यवस्थापन गर्न के गर्नु पर्ला ?

मेटाल्याक्सिल (८) + म्यान्कोजेब (६४) १ ग्राम प्रति लिटर पानीमा मिसाई बीउ छरेको १५ दिनभित्र छरेमा यस रोगको व्यवस्थापन गर्न सकिन्छ ।

Q 2. फापरको उत्पादन सरदर कति होला ?

राम्रो ब्यवस्थापनमा मिठे फापर प्रति हेक्टर १४०० र तीते फापर १६५० किलो प्रति हेक्टर सम्म दाना उत्पादन हुन्छ ।
Q 3. फापर बालीको भण्डारण कसरी गर्ने ?

फापरको दानामा कीराले आक्रामण गर्न नसक्ने भएकोले, ३˗४ घाम सुकाइ चिस्यान प्रतिशतमा ल्याई, सख्खा ठाउँमा थन्क्याउनुपर्दछ ।
Q 4. फापर बाली कुन महिना र कति समय सम्मा पाक्दछ ?

कार्तिक देखि मंसिर सम्मा पाक्दछ । जात र लगाएको ठाउँ अनुसार बीउ छरेको  ७५˗९० दिन सम्ममा पाक्दछ।
Q 5. फापर बालीमा झारपात कहिले नियन्त्रण गर्ने ?

फापरबाली चाडै बढ्ने भएकोले र पात चौडाहुने भएकोले, एकनासले उम्रमा यसमा झारको प्रकोप कमै हुन्छ । तर बीउ पातलो उम्रेमा २०˗२५ दिनपछि एक पटक गोडमेल गरी झारपात निकाल्नुपर्दछ ।
Q 6. फापर बालीमा सिंचाई कहिले कहिले गर्नु पर्दछ ?

बारीमा बर्षे पानीको भरमा खेती गर्ने भएकोले यसलाई सिंचाई दिने चलन छैन।तर, पानी कम पर्ने र सिँचाईको ब्यवस्था छ भने उम्रेको २०˗२५ दिन पछि फल्ने बेलामा सिँचाई दिनु आवश्यक हुन्छ ।

White radish grown for seed production in St, Paul Oregon

Q 7. फापर खेतीमा मलखादको मात्रा प्रति रोपनी कति प्रयोग गर्नु पर्दछ ?

पहाडको बारीमा मकै-फापर बाली प्रणालीको लागि

के.जी प्रति रोपनीः

डि.ए.पी.

युरिया

पोटास

गोबर मल

२.१७

२.४

०.८

६००

 

तराईको खेतमा लगाइने धानै˗फापर˗मकै बाली प्रणालीको लागि

के.जी प्रति कठ्ठा

डि.ए.पी.

युरिया

पोटास

गोबर मल

२.८

१.७

१.१

४००

Q 8. फापर कसरी लगाउने ?

यसलाई छरुवा बिधि तथा लाईनमा लगाउन सकिन्छ । लाईनमा रोप्दा लाईन देखि लाईन २५ से.मि. र रोप्ने गहिराई ५˗७ से.मि. हुनुपर्दछ ।
Q 9. फापरको बीउ दर कति हो ?

छरुवा बिधिवाट लगाउँदा मीठे फापर ६०˗७० किलोग्राम र तीते फापर ४५˗५० किलोग्राम प्रति हेक्टर चाहिन्छ ।
Q 10. फापरको लगाउने उपयुक्त समय कहिले हो ?

उच्च पहाडमा बैशाख˗जेठ, मध्य पहाडमा श्रावण˗भाद्र र मध्य पौष मध्य फागुन तथा तराई र भित्री मधेशमा कार्तिक˗मंसिर पहिलो हप्तामा लगाइन्छ ।
Q 11. फापर खेतीको लागि जग्गा तयारी कसरी गर्ने ?

धान खेतमा लगाउने हो भने धान काट्ना साथ र बारीमा हो भने मकै भाच्ना साथ एक वा दुइपटक राम्ररी डल्ला फुट्ने गरी जमिन तयार पार्ने । जग्गामा पानीको राम्रो निकासको ब्यवस्था हुनुपर्दछ ।
Q 12. फापर कस्तो माटोमा उपयुक्त हुन्छ ?

हल्का बलौटे र बलौटे दोमट माटो राम्रो हुन्छ । यसले पानीको निकास नभएको चिम्ट्याइलो माटो तथा धेरै चुनको मात्रा भएको माटो सहन सक्दैन ।
Q 13. फापर कस्तो हावापानीमा हुन्छ ?

तितेः चिसो हावापानी चाहिन्छ।उच्च पहाडी क्षेत्रमा (३००० देखि ४००० फिट) मा खेती गरिन्छ।
मिठेः तुलनात्मक रुपमा न्यानो चाहिन्छ, त्यसैले उच्च पहाडको बेसी, फाट देखि लिएर मध्य पहाड, तराई,  भित्री मधेशमा खेती गरिन्छ ।

Q 14. फापरमा पोषण तत्व के कति हुन्छ ?

कार्बोहाइड्रेट ७०˗७३ प्रतिशत, प्रोटिन १६ प्रतिशत र लाइसिन एमिनो एसिड पनि बढी पाइन्छ।
Q 15. नेपालमा कति प्रकारका फापर खेती गरिन्छ ?

नेपालमा दुई प्रकारका मिठे र तिते फापरको खेती गरिन्छ ।

Share:

Related Post