Tag: farmer

सैनामैना। सैनामैना नगरपालिकाले आफ्ना क्षेत्रका विभिन्न कृषक समूहलाई अनुदान दिने भएको छ ।नगरपालिकाको कृषि व्यवसाय प्रवद्र्धन समितिले विभिन्न आयोजनाका लागि रु ४१ लाख अनुदान दिने निर्णय गरेको नगरपालिकाका प्रमुख चित्रबहादुर केसीले जानकारी दिनुभयो ।

साना सिंचाई योजनातर्फ रु दुई लाख, प्रधानमन्त्री आधुनिकीकरण परियोजना पकेट कार्यक्रमतर्फ रु २५ लाख, नयाँ पकेट क्षेत्रतर्फ रु १२ लाख, गाउँ नगर कृषक मूल समितिलाई रु ५० हजार, साना किसान तथा कृषि सहकारी संस्थालाई रु एक लाख ५० हजार प्रदान गर्ने नगरपालिकाले जनाएको छ ।

समूहलाई मकै, तरकारी, केरा र फलफूल खेती, पम्प, अन्नबाली, सिंचाइ, धानको बीउ उत्पादन, मलखाद, तेलबालीलगायत विभिन्न उपकरणमा कृषकका समूहलाई ८५ प्रतिशत अनुदानमा सो रकम भुक्तानी दिइने बताइएको छ । सैनामैना तरकारी उत्पादनको मुख्य क्षेत्र मानिन्छ ।

Source : Krishi Patrika

सोलुखुम्बु – कृषि तथा पोषण मेला प्रदर्शनीमा सोलुखुम्बुका २८ जना कृषक पुरस्कृत भएका छन्। थुलुङ–दुधकोसी गाउँपालीका वडा नम्बर १ नेलेमा भएको कृषि तथा पोषण मेला प्रदर्शनी प्रदर्शनीमा ७ विधामा २८ जना कृषक पुरस्कृत भएका हुन्।

दर्ता भएका १८४ बाली मध्ये आलु, मसला, फलफूल, तरकारी, दलहन, अन्नबाली र विविध विधामा पुरुस्कृत गरिएको हो। हरेक बालीविधामा पहिलो, दोस्रो, तेस्रो र सान्त्वना भएका कृषकलाई नगद २५ सय, २ हजार, १५ सय र एक हजारको साथमा प्रमाणपत्र वितरण गरिएको छ।

पुरस्कार पाएपछि कृषकहरुले कृषि क्षेत्रमा अझ प्रगति गर्न ऊर्जा मिलेको बताएका छन् । ४ विधामा पुरस्कृत भएकी कृषक विना कुमारी राईले भनिन्, ‘मैले कृषिवाटै ३ जना बच्चालाई पोषण र शिक्षाआर्जन खर्च जुटाउदै आएकी छु, यस्तो कार्यक्रमले र पुरस्कारले मलाई कृषि कर्ममा थप ऊर्जा मिलेको छ।’

प्रर्दशनीको अबसरमा २८ जनाले माटो परिक्षण गराएका छन्। क्षेत्रीय माटो परिक्षण केन्द्र झुम्काका प्राविधिकहरुले माटो परीक्षण गर्नुका साथै रिपोर्ट समेत आजै वितरण गरेका छन्। त्यस्तै, पशुसेवा शाखाले ५१ जना पशुपंक्षि पालक कृषकहरुलाई औषधि वितरण गरेको छ। कार्यक्रममा सुआहारा कार्यक्रम सोलुखुम्बुले पोषण र सरसफाईको विभिन्न प्रर्दशनी गरेको थियो। सुनौला हजार दिन भित्रका आमा र बच्चाको पोषणका लागि फर्सीको खिर बनाएर कार्यक्रमका अतिथिहरुलाई चखाईएको थियो।

कार्यक्रममा १ नम्बर प्रदेशका सांसद उत्तम बस्नेतले किसानले परिचय–पत्र र पेन्सन पाउनुपर्ने बताएका छन्। उनले परिचयपत्रको आधारमा कृषि सुविधाका साथै पेन्सनको समेत व्यवस्थामा लागि पर्ने प्रतिबद्धता व्यक्त गरे । साथै, कृषिमा व्यवसायीकता र प्रविधिको प्रयोग महत्वपुर्ण रहेकोमा बस्नेतले जोड दिए।

थुलुङ दुधकोशी गाउँपालिकाका अध्यक्ष असिम राईले गाउँपालिकाको भूमि बाँझो राख्न नपाईने निति निर्माण गर्ने क्रममा रहेको बताए। उनँले उत्पादनशील जमिनमा संभावित खेति गर्न बाध्य गर्ने गरि गाउँपालिकाले निति ल्याउने र कृषिलाई बढवा दिने बताए। उनले भने, ‘गाउँपालिकामा सुकुम्बासी शुन्य पार्ने गरि काम थालनी भएको छ।’

Source : Nagarik News

नुवाकोट : कृषिमा आत्मनिर्भर मात्र होइन, उत्पादित कृषिजन्य वस्तुको बिक्रीसमेत गर्दै आएको नुवाकोट आलुमा छुट्टै पहिचान बनाउन सफल भएको छ । पहाडी संरचना रहेको उर्वरभूमि नुवाकोटमा पछिल्लो १० वर्षदेखि किसानमा आलुखेतीप्रति आकर्षण बढिरहेको छ । यस वर्ष नुवाकोटमा एक अर्ब पाँच करोड रुपैयाँ बराबरको आलु उत्पादन भएको छ । एउटै गाउँबाट २५ करोड रुपैयाँ बराबरको आलु बिक्री भएको छ । चालू आर्थिक वर्ष २०७३/०७४ मा जिल्लामा एक अर्ब पाँच करोड रुपैयाँ बराबरको आलु उत्पादन भएको जिल्ला कृषि विकास कार्यालयको तथ्यांक छ । ९९ प्रतिशत आलु राजधानी काठमाडौंमा बिक्री भएकाले नुवाकोटले आलु बिक्रीबाट जिल्लामा राम्रो रकम भित्र्याउन सफल भएको हो ।

यो वर्ष जिल्लामा विभिन्न स्थानमा गरी चार हजार तीन सय ६५ हेक्टर जमिनमा लगाइएकामा ७५ हजार नौ सय २० मेट्रिक टन आलु उत्पादन भएको छ । त्यसबाट एक अर्ब पाँच करोड रुपैयाँको आलु उत्पादन भई गत वर्षको तुलनामा ३.२ प्रतिशत बढी उत्पादन भएको जिल्ला कृषि विकास कार्यालयका प्रमुख डा कमलराज गैरेले बताउनुभयो । उहाँका अनुसार बर्खे र हिउँदे कृषिमा आत्मनिर्भर मात्र होइन, उत्पादित कृषिजन्य वस्तुको निर्यातसमेत गर्दै आएको नुवाकोट आलुमा छुट्टै पहिचान बनाउन सफल भएको छ ।

डा. गैरेले गत वर्ष ८७ करोड रुपैयाँ बराबरको र अघिल्लो वर्ष ८५ करोड बराबरको आलु उत्पादन भएको जानकारी दिनुभयो । विदुर र बेलकोटगढी नगरपालिका र १० गाउँपालिका रहेको नुवाकोटमा सिँचाइ सुविधा रहेका सबै स्थानमा आलुखेती हुने गरेको छ ।

अघिल्लो वर्षको तुलनामा आलु लगाउने क्षेत्रफल र उत्पादन दुवैमा वृद्धि भएसँगै आलुबाट आम्दानीसमेत बढेको छ । किसानले व्यावसायिक रूपमा सुरु गरेको खेती प्रणाली र पद्धति सही रूपमा अवलम्बन गर्दा आलुमार्फत जिल्लामा ठूलो रकम भित्र्याउन सफल भएको जिल्ला कृषि विकास कार्यालय नुवाकोटले जनाएको छ ।

जिल्लामा यस वर्ष आलुको उत्पादनमा वृद्धि तथा उचित मूल्य पाएपछि किसान उत्साहित भएका छन् । स्थानीय बजारमा आलुको मूल्य प्रतिकिलोग्राम १५ देखि २० रुपैयाँसम्म छ । नुवाकोट जिल्लामा दुई याममा गरी चार हजार तीन सय हेक्टर क्षेत्रफल जमिनमा आलु लगाइएको थियो । प्रतिहेक्टर १७ मेट्रिक टन आलु उत्पादन भएको वरिष्ठ कृषि विकास अधिकृत डा.गैरेले बताउनुभयो । नुवाकोट जिल्लाका प्रायः सबै स्थानमा आलु उत्पादनका लागि सुहाउँदो हावापानी छ । जिल्लाको माथिल्लो भेगका आठ सय हेक्टरमा लगाइएको बर्खे आलु नौ हजार चार सय उत्पादन भएको थियो ।

फागुन र चैतमा उत्पादन हुने गरी तीन हजार ६ सय हेक्टरमा लगाइएको आलु ६३ हजार नौ मेट्रिक टन उत्पादन भएको जिल्ला कृषि विकास कार्यालय जनाएको छ । यस वर्ष आलुको उत्पादन पनि बढेको र मूल्य पनि राम्रो भएका कारण आलुबाट ४५ करोड रुपैयाँ खुद नाफा हुने किसानले दाबी गरेका छन् । यस वर्ष प्रतिहेक्टर ४४ मेट्रिक टन आलु उत्पादन भएको कृषि कार्यालयको दाबी छ ।

श्राेत ः अन्नपुर्ण पाेष्ट

नुवाकोट । यो बर्ष नुवाकोट जिल्लाले मात्रै १० करोड मूल्यबराबरको मुला बिक्री गरेको छ । पछिल्लो समयमा कृषिमा आर्कषण बढेसँगै मुुलाखेतीतर्फ किसानको पनि आर्कषण बढ्नुका साथै उनीहरुको आयस्तरसमेत बृद्धि भएको छ ।

चालु आवको आठ महिनामा जिल्लामा आठ हजार ३१७ मेट्रिक टन मुला उत्पादन भएको जिल्ला कृषि विकास कार्यालयका प्रमुख डा कमलराज गैरेले जानकारी दिए। सो परिमाणको मुला बिक्री गरी रु नौ करोड ९८ लाख भित्रिएको उनले बताए।

आव २०७२/७३ मा रु सात करोडको मुला उत्पादन भएको कार्यालयले जनाएको छ । स्थानीय बजारमा मुला अहिले प्रतिकिलो रु १० देखि रु १२ मा बिक्री भइरहेको छ । यहाँ उत्पादन भएको मुला काठमाडौँसम्म पुग्ने गरेको छ ।

अन्य बालीको तुलनामा खेती लगाउन, हुर्काउन सजिलो हुँदा किसान मुलाखेतीतर्फ आकर्षित भएका हुन् । मुला ४० दिनदेखि ६० दिनमा तयार हुन्छ । जिल्लाको माथिल्लो क्षेत्रमा अन्य बाली उत्पादनमा ढिलाइ हुँदा किसान मुलाखेती गर्दैआएका छन् । जिल्लाको ककनी, ओखरपौवा, मदानपुर, बेलकोट, चाउथे कुमरी, किम्ताङलगायत ठाउँलाई जिल्ला कृषि कार्यालयले पकेट क्षेत्रका रुपमा घोषणा गरेको छ ।

Show More Posts